今日約左９點３去到黃崗等！ｍａｎｄｙ又遲到．．．差ｄ俾老闆話！如果　ｍａｎｄｙ有緣睇到我呢篇野！我諗如果有機會再約你老闆一齊上既話，我諗你要再早ｄ出門口喇！唔係．．．又俾人話架喇！

上到去廠已經１０點幾．．．又塞車囉！做左陣野就食晏喇，我地話出街食，老闆好似玩變面咁！之後好似夾埋太子爺咁，話年尾好多人打劫，又話我地實俾人偷哂ｄ野，又話我地等陣實喊哂番黎！都神經病！有病睇醫生啦！

屈係廠真係好辛苦，只係想食晏時間出黎抖下啦！都俾人咒．．．真係冇人性！

做哂自己野，以為老闆會早少少走，點知佢都係咪咪魔魔６點幾先走得！之後仲叫我地食埋飯先走！傻架．．．早ｄ番去啦！本身以為自己可以坐車走．．．唔駛坐佢車！最後．．．梗係要坐佢車啦！我地係唔會跟你番公司架！已經收買人命啦，仲番公司做野，真係會死架！

之後同亞蚊去左ａｐｍ諗住食ｍｏｓ，好鬼多人排，之後改去食烏冬，點知都係好多人，但係我地已經冇乜力水喇，都係排啦！好在．．．唔駛等好耐就有位喇！食左個大冷烏冬加Ｄ小食，每人只係２５蚊咋！抵爆！之後就去買野飲喇！個人唔開心就梗係豪下架啦！呵！我ＣＨＯＩＣＥ左我ＬＩＫＥ既ＧＯＤＩＶＡ凍古古力ＬＡＴＴＥ！正　～～～　而亞蚊好似俾我昆左咁，最後上番去星巴克買！好喇．．．大家都好！快Ｄ番去訓把啦！聽日仲要作戰！