今日要一早上大陸，尋日咁夜番我今日梗係唔夠訓啦！上到去都係８點１０分，我一路行一路都好似未訓醒咁！突然俾個男人大力咁撞左撞，我成個人失去平衡咁．．．隻腳一野咁撞左落個地道！好Ｑ痛呀！！大陸又多灰塵，我傷左果Ｄ位好多沙塵呀！我痛到企唔隱，坐底左路邊，之後蔡叔就黎到，我用Ｄ水清洗左，之後就問蔡叔有冇膠布，諗住上到廠再算！

上到廠，我見到有藥箱，但係個個都有鎖鎖住，即刻火都黎埋！我諗我大件事既話應該流血流死左．．．

之後成６點先同ＭＡＮＤＹ落番黎香港，個心情好差！亞浩去打波，我講左唔番去食飯，初時諗住食埋野就番去．．．但係我真係唔開心！亞ＶＩ咁岩搵我，之後佢話今日睇墨攻首影追星，我就坐巴士去到藍田坐幾個站去時代廣場搵佢喇！

睇完星之後，佢陪我去食左碗粉就坐車番屋企喇！今日個心情真係超差！

ＰＳ：呢張相係個好ＰＲＯ既影相佬同我地影架！好勁！佢話淨係影靚女喎！我睇．．．應該係講大話　！！！