今日真係突然到爆，無啦啦老闆話叫我一齊上大陸，唔駛咁突然呀嘛！俾Ｄ預備時間我好喎！話上就上！癲喇就黎！

１２點半終於出門口，大鑊啦！肯定好夜先番落黎，我唔要過夜架！出到　　ＬＩＦＴ口仲問我有冇帶衫過夜！係咪癲左先！仲要上左深圳同佢攪掂Ｄ私人事務先上廠！唉．．．

終於上到廠５點，勁．．．耐！塞車塞到亞媽都唔認得！真係頂佢個肺！澎澎聲做哂自己野，終於８點可以走喇．．．番到落黎香港真係死　！！

算　～～　有得落好過冇　！！初時諗住番入屯門睇下我亞媽又攪乜，因為今朝細佬打黎話亞媽尋晚飲醉，要生要死！諗住番屋企鬧醒佢，點知打極佢電話都冇人聽，我最後決定番左安樂窩，之後打電話俾佢！

又係打左好多次，之後沖埋個涼再打，又係冇人聽，終於覆番黎喇，咁我就問佢係咪冇帶電話啦，之後佢話放左入袋聽唔到，我問佢係咪未放工，佢話已經番到屋企，我已經盡量用平穩既態度問佢野，問佢係咪仲係好痛，佢話都係陣痛陣唔痛，都唔知點．．．之後我終於入正題問佢尋晚發生咩事，之後佢話唔開心飲大左，我黎到呢點真係忍唔住，我話你唔好令到我擔心啦，你唔開心就飲醉自己之後仲要死！！！咁我地點呀！！唔開心講出黎睇下我地幫唔幫到你，我話你如果為左錢而擔心既，我真係寧願你唔做野，我試下一個月拎多Ｄ錢番黎！但係如果係為Ｄ無聊人講埋Ｄ無聊野話你要坐輪椅既話，我真係．．．冇野好講！講到黎呢道佢已經喊，淨係識叫我唔駛擔心！我又忍唔住又喊，我工作上夠辛苦啦！邊個為我諗下呀，冇架！！！最後佢叫我早Ｄ訓唔好再擔心就收左我線！我．．．係咁喊係咁喊！

最後得出黎既結果係．．．冇！真係唔開心！＞＾＜