今日約左公主去ＣＷＢ行街，其實之前係約去太古食ＢＵＦＦＥＴ，點知Ｖｉ約左人之餘．．．連芝都病埋！

後黎我地話都照出黎，咁我地就去ＣＷＢ行下喇！

我一收工就坐車落荃灣諗住坐小巴去ＣＷＢ快Ｄ，點知．．．賴野！有乜可能冇車先！好在夠５個人坐的士，仲要係夾左３０蚊坐的士過海真係抵到爆！

我地一出到黎就話好餓，但係諗極都諗唔到食乜，由ＳＯＧＯ果邊行到去恩平，之後再由恩平行番去ＣＷＢ廣場果邊！

好在有個新商場開左，呢道就係以前既國貨公司舊址喇！開左好多野食呀，不過．．．間間都要等！但係呢間金沢唔駛等喎！

我地決定叫呢個２人餐（２８８蚊唔係真係好貴），入到去個環境都唔貴喎！我地坐底之後發現隔離果台係日本人添！咁就ＯＲＤＥＲ野食啦！

個餐有３色刺身、蟹子沙律、同埋任叫３樣野食（有大概廿款野ＣＨＯＩＣＥ）我地叫左軟殼蟹壽司、燒銀雪魚同埋蝦天婦羅（唔知點解又俾２碗白飯同埋麵豉湯我地）

好好味呀　～～～　樣樣野都好新鮮，唔錯呀！之後我地勁講笑，又話隔離台日本文令我地好似O係日本咁，周圍好似冇人聽得明我地講乜！（好明顯唔係啦！）

我地仲有個甜品添呀，每個人加廿蚊可以食新鮮既雪笆添！我地兩個都食柚子，超美味呀　～～～

今晚雖然係有Ｄ貴，但係食得黎開心同埋都值得囉！下次可以再試！