今日約左芝、ｚｏｄｉａｃ、ｋｉｔ、雪＆ｖｉ一行６人上大陸東門行街食飯！但係ｋｉｔ、雪＆ｖｉ要齊指甲所以早ｄ上，我地３個就晏ｄ先上去會合佢地！咁岩我亞媽今日放假話冇人陪，睇下夜晚同唔同我地一齊食喎，ｏｋ再打俾你啦！

之後我約左ｚｏｄｉａｃ一齊入大埔搵芝食晏先，再慢慢上去搵佢地！我地去左食上海野，唔錯喎呢間，我地仲發生左一個笑話，就係．．．呢間野個名芝同我講．．．我聽左叫做”千戶”我仲以為係食日本野，原來間野叫”川胫”！我諗我耳力有ｄ問題！呵！

之後芝仲帶左我地去左豆腐花添，老字號果然係唔同ｄ，好好味呀，正！食完野之後我地就行去火車站出發喇！

上到去再坐深圳地鐵去東門，原來佢地２個都未試過咁坐架，真係抵囉！２蚊一個人喎！

之後我地就搵佢地３個人喇，點知．．．佢地未開始整添囉！唉．．．我地有排等！之後我地因為應承左咪咪幫手買ｋｆｃ換既ｒａｉｎ野，就去左ｋｆｃ道ｈｅａ喇！

佢地真係超爆笑呀，要買１０條咁多，仲同人講唔要野食，淨係要３杯野飲同３包薯條，想嚇死人咩！仲殺出一個人話俾５０蚊佢地要哂佢地ｄ餐添！呢個人就真係抵到爆喇，５０蚊買左人地１０個雞包、７杯野飲同埋７包薯條！不過唔理啦，有人食都總好過掉左佢既！

之後我地又去搵佢地．．．點知．．．都係咁上下，我就打俾我媽睇下佢做緊乜喇，原來佢比佢地更快，我地３個就去左我亞媽整果道ｈｅａ，起碼有位俾我地坐先！我仲修指甲皮添，仲俾我地笑一樣野，下次想叫人收皮既時侯，同人講”俾十蚊你啦！”睇下人地識唔識笑！

我地等完亞媽攪掂哂ｄ野，就去搵佢地睇下得未．．．梗係未得啦！唉．．．都唔知等到幾時添呀！我地決定暫飛起佢地．．．去左搵位先！

之後叫佢地坐的士過黎，因為佢地唔識行過黎！我地又去番亞媽上次帶我同亞浩去果間”華城”，等左冇幾耐就有位喇，不過桌唔夠大等陣叫野應該成桌都係！

我地３個留底亞媽睇住我地ｄ袋就落去睇下有乜海鮮叫喇，叫左好多野，每樣野都７隻７隻咁叫，實食得哂啦！

點知．．．我地叫既野黎哂，佢地３個仲未出現，火都黎埋，唉．．．係咪玩野先！之後ｓｍｓ佢地問點啦，話差唔多喎！

之後我地咪就係食食食囉！