今朝一早上大陸，其實我都唔明點解要叫我上去，仲要係半日，我上去做咩呢！當然梗係上去俾老闆鬧啦！

今朝約左８點黃崗，真係超早．．．早餐都買唔到！激死人．．．之後仲要７點７打黎問我去到邊，大佬你獱車我坐車咋！唔係呀嘛，之後梗係佢等我啦！我又唔知今日做乜，條頸．．．竟然訓矮頸！好鬼痛呀！

上到車．．．其實都預左佢地兩個講Ｄ乜，亦預左俾佢地話我點解唔跟！我．．．今日沈住條氣，乜都唔答！由得佢地講，佢地就會自自然然停，之後我就一覺訓到廠！正．．．不過條頸都仲係好痛！

果然上到去真係唔知自己做乜，最吊住條氣係．．．老闆話我唔知自己做乜，周圍行！大佬我夠想坐定定寫字樓啦，唔係俾人叫左落下面，之後又俾人叫住，我真係扼你錢咩唔通！

果然食埋個飯就落番香港，唉．．．老闆又放自己假，得我同ＫＡＲＥＮ落番香港，真係好！我都想做佢，有拖拍又唔駛理公司咁！呢程車，喊得好辛苦！當然佢一定會問我點解咁啦，我好照實話佢知發生緊咩事！而我擔心Ｄ乜，亦係我做唔到Ｄ乜！原來佢地唔知一開始ＭＡＲＩＡ係冇教我任何野，不過都算啦，過左咁耐！依家佢知都好既，起碼唔好迫我先啦！

原來我呢幾日Ｄ情緒咁波動，關我甲狀腺出現問題！唉．．．真係大鑊！