今日一行６人入屯門搵老豆整頭，其實一直都擔心大家會唔會唔滿意，好在今日都　ｏｋ！

今日約左ｚｏｄｉａｃ官塘一齊去荃灣搵芝一齊入，而雪同ｋｉｔ就自己入，突然多左個本身話黎唔到既ｖｉ！

ｖｉ竟然仲早過我同ｚｏ係小巴站等我地，實在太奇怪．．．之後我地又係上到車好嘈咁去荃灣搵芝，今次竟然芝都遲左！好奇！發生咩事呢！呵，調轉哂ｄ野！

之後就坐車入屯門喇，呵！竟然最早到果個係ｋｉｔ，仲要ｋｉｔ等左我地一陣添！

我地過左去第２個商場食埋個飯先去整頭，仲應承老豆１１點入到黎，係就係既．．．食完野都１２點半喇！

好喇，我地終於到左整頭，點知間鋪好鬼多人！仲要冇人理我地又要等位添！真係玩野．．．我地今日各人整唔同既野！ｋｉｔ、芝同我整負離子，而ｖｉ要電爆個頭，ｚｏ．．．只係入黎陪坐．．．唔係唔係，係焗油先真！亞雪．．．竟然係最遲果個到，仲俾亞ｖｉ串，真係唔抵！

我地整完個頭已經５點幾６點喇，大家都話食埋野先散，我就帶番佢地去ｄ有野食既地方，當然係市中心果邊啦！

我地決定左食ｐｏｋｋａ，一坐底我同ｚｏ不停咁睇野食，好似餓左好耐咁！ＸＤ　之後就不停咁叫，不過俾人話我地傻架囉！點知Ｄ野食細碟到你唔相信，最後我地都係豪食架！不停咁叫　～～～～

我終於整番直個頭喇　～～～　ＹＥＡＨ　^^Ｙ