今日諗住超多野做，其實都預左ＯＴ，點知俾老闆女捉左去睇側田，６點半同我講放飛，放唔到要我同佢去睇．．．痴孖根　～～～

其實唔係唔想睇，真係超多野做，仲要係１７行．．．係咪想死先！仲要最攪笑問埋亞蚊同Ｍａｎｄｙ都話寧願ＯＴ都唔去喎〔其實我都係咁答，第一次咁野笑大家都想ＯＴ），最後我梗係俾佢迫左我去啦！〔雖然牛唔飲水唔禁得牛頭底，但係大家唔會明）

我地去左火車站食左個快飯，因為已經去到８點喇，之後再入場！個位真係遠到亞媽都唔認得，佢上次用　Ｆ４　個台，今次用陶吉吉個台，好賤囉！賺死！睇到佢跳舞果ＰＡＲＴ突然個腦諗起ＶＡＮ，佢真係冇得比！

睇後感．．．就係佢唱歌真係超勁，但係．．．跳舞真係唔多掂，我一路睇淨係個腦諗緊　ＶＡＮ！係咪夠白痴先！我諗今晚既　ＢＯＵＮＳ　係有千ＦＡ同ＪＡＮ
做嘉賓啦！〔其實我眼見Ｄ明星都仲有ＴＥＲＥＳＡ、周汶錡做嘉賓，而台下有方力申同森美！）

仲有一個花絮好攪笑，就係佢話落台要對住一個人唱”Ｙｏｕ　ａｒｅ　ｓｏ　ｂｅａｕｔｉｆｕｌ！點知個女仔望都唔望佢，佢突然間話佢自己好瘀，我地勁笑囉！但係我諗呢個演唱會我係最唔投入既一個！