話說１１／４我已經上廠睇左個客既貨，之後諗住呢幾日都唔駛上，點知１２／４番黎果位顧小姐唔知同個客講咩，個客無啦啦話上廠睇貨，咁都冇問題啦！人地其實有權去睇，但係．．．我睇左係咪應該佢上！點知佢入老闆房話我唔上，無啦啦俾老闆鬧鑊金既！依家唔係話我唔上，只不過我覺得我已經上左，台面有一大堆野未做！想做哂佢先．．．點知俾老闆鬧我心理有問題！唔知點解果個ｍｏｍｅｎｔ即刻喊左出黎！但係唔知自己喊乜架，不過當老闆面喊．．．都幾醜怪！

之後冇辦法啦，其實我都知要上，不過我記得明明老闆講過，當我地唔得閒既時候，顧小姐可以幫我地上去睇！佢竟然話唔係之餘仲話佢退休架喇，唔應該幫我地做呢ｄ野！真係激到我死死下！

好啦，個客打黎都話佢果邊老闆上，唉．．．我冇理由一個小朋友同個老闆上架嘛，我．．．覺得自己攪唔掂，都照同顧小姐講”不如你都一齊上啦！”，佢唔明我咩意思囉！佢仲覺得係我唔想睇，而叫佢上！唉．．．好心啦，依家係叫你上去應酬下人地個老闆，如果唔係我都唔駛你陪啦！底能架咩！

今日個心情超底落！！！