終於今日上左伯伯屋企拜年喇，今日真係激死我，亞浩唔入黎係因為住得遠，我覺得ＯＫ，而我細佬．．．一早講佢知今日上去既，佢竟然今日先黎同我講約左人食飯！會唔會過份左呀！

收工見早番左屋企先，因為亞媽都放底左利事俾我Ｄ堂妹同堂細佬！番到去見到個衰仔O係屋企，見到佢又忍唔到住鬧！佢仲底死話我知．．．不如我同你上去啦，最多坐陣走咋嘛，聽完呢句即刻忍唔住勁鬧添！呢個死仔真係唔識睇人面色！黑色面番黎架啦，仲要同我玩呀嘛！

之後就出發上去喇，好悶．．．真係好悶．．．仲要唔係食完飯即走，一定要坐下先架嘛！ＯＨ～～～就係咁．．．坐到成１０點半！一晚就咁過去．．．

呢個ＭＯＭＥＮＴ突然覺得我個妹好現實同有Ｄ冇禮貌，佢當住我面拆我亞媽俾佢既利事！仲有我伯娘同我講一Ｄ好野笑既問題，就係話我同亞浩咁多年，依家又住埋喇，驚唔驚住左幾年之後大家會唔會分手，其實呢個時候要有個名分．．．算把啦！點會依家黎結婚喎！傻既咩　？！