今年係亞浩新居第一年睇煙花，而我地睇唔到，真係唔好意思！

今日一早約左亞婆上左佢屋企食個　ｌｕｎｃｈ，等人上黎拜年，點知．．．原來今日得果２丁友上黎，咁．．．就浪費左一日假期，淨坐渡過！

夜晚去左一間睇得到煙花既酒樓食飯，到左煙花時間．．．我地既位係睇唔到既！食完即刻走，因為我地要趕住番安樂窩又打麻雀．．．

等左好鬼耐都冇一架車上到，後黎我地放棄喇，改坐ｍｔｒ番去！順便幫佢地買埋野飲添！

番到黎好多人呀！都係佢ｄ亞姨啦，但係聽佢地講．．．今日黎左個奇客！佢舅母同佢表姐是也！嘩．．．勁呀！估都估佢唔到，竟然會上黎！

最後佢地都有打麻雀呀，不過係拾荒兩姐妹（一組）對姨仔、ａｕｎｔｉｅ同亞浩，我就梗係打一陣就番房訓啦，初三要出銅鑼灣搵位俾佢地飲茶呀！