一早就攪到我好唔開心，點解要攪亂我既心情呢！年２７果日我細叔叔打黎話年初一上去伯伯屋企，已經講定哂！今朝等到３點都未有電話，我堂妹又打黎問我幾點過到去，好啦等我打左問叔叔幾點上到去啦！

點知．．．叔叔竟然答．．．唔入黎！係咪玩野先！明明講定話入黎，今日又話唔黎喇！一早講左話我夜晚唔同佢地食晚飯架啦！咪照上黎囉有問題咩．．．佢話唔入黎我就即刻換好哂衫，即刻出番亞浩道！點知．．．電話又到喇，又話黎喇喎！係咪玩我先！我．．．梗係用ｄ唔好既語氣答佢，我唔去喇，已經約左第日，你地上啦！

咁我就出左亞浩屋企喇！佢地又黎喇，又話食完飯上去大戰喎，原來佢地今日買左飛睇戲架，點知．．．原來睇春田花花呀！點會睇呢套架，算啦，橫掂佢地大戰我地都冇野做，睇戲都係件好事黎既！但係．．．我聽日早起喎！唉．．．

套戲不出我所料，果然係一套廢戲！做完都唔知做乜．．．冇說話好講！初時諗住死都唔俾錢架喇！＞＾＜　點知．．．佢地既大戰有人供我既日本基金奉獻左好多，所以．．．我梗係要俾番出黎啦！

最後，當然要多謝一個人啦！細ｊａｃｋｙ多謝你呀！我個基金既受惠人好開心呀！（即係我！）