終於黎到我最期待既環節，交換禮物　加　大抽獎！

交換禮物我竟然交左份一定唔夠　５０蚊　既餅乾！我梗係出聲啦，老闆明明講左話出席要買　５０蚊　以上既禮物架嘛，我竟～然～２盒餅，哼！最後老闆女同我換左個圓筒型既野，點知一開．．．講真呀！我都唔覺得呢份野係夠５０蚊囉，呢份野就係　麥提莎！

唉．．．黑開真係有條路〔呵！其實我係抽唔到講悔氣說話啦〕，我竟然大獎抽中１隻煎ｐａｎ加一隻連公仔麵都放唔到既煲！我今日既期望係　ｄｖｄ　錄影機　又或者係　ｉｐｏｄ　ｎａｎｏ　架嘛！我真係覺得做馬囉，雖然尋日係計埋佢屋企人先有５０人，因為其實係預祝埋老闆生日架囉！

抽獎既準則就係：交換就唔梗講啦，有買禮物到既就一定有〔但係竟然有人一家３口黎淨係買一份囉，當然係人地親戚啦〕。另外仲有大獎既，好似係得２２份，但係呢ｄ禮物係乜我淨係知我陪佢買果ｄ，資格就係員工有得玩，親戚既一家人得一個有得玩，但係．．．我地有員工又有家人既就等如有得玩２－３次喇！仲有老闆女真係好唔公平，佢．．．一個人唔知有幾多張飛在身！抽黎抽去都係佢同佢細佬，大獎既其中２個已經俾佢細佬拎左，就係一部　ｎｏｋｉａ電話　加　ｉｐｏｄ　ｎａｎｏ　喇！你話係咪唔公平先！〔都係果句啦，得不到的葡萄是酸的，哈〕其實老闆都算唔錯，部　ｉｐｏｄ　其實係老闆抽中，佢都拎番出黎再抽，只不過俾佢個仔抽中咋嘛！唉．．．


ｐｓ：其實最大既大獎有　ｓａｍｓｕｎｇ　ｖｉｄｅｏ　ｃａｍｅｒａ〔１獎〕（ｓｈｉｐｐｉｎｇ～亞偉中左）、ｉｐｏｄ　ｎａｎｏ〔２獎〕（唉．．．咪就係太子爺中囉）、什牌　ｄｖｄ　錄影機〔３獎〕（老闆家姐中左，佢都係公司員工黎架）及　ｎｏｋｉａ　摺既電話〔４獎〕（又係太子爺中）（我諗係咁排掛）