今日個心情都未平伏落黎，本身約左今日收工一班朋友去Ｋ一Ｋ佢，但係因為尋日單野，令到今日只好改為晚飯！

約左６點佢地O係嘉樂果邊等，之後去Ｄ上樓ＣＡＦＥ晚飯！今晚既聚會約左小白、ＶＩ記、芝同kit一班女仔聚一聚，我地今次去呢間ＣＡＦＥ叫ＦＯＵＲ　ＳＱＵＡＲＥ　ＣＡＦＥ，去到個環境都唔錯，好幽靜下，但相反令到我地好嘈！
一坐低，就梗係睇下個ＭＥＮＵ有乜買啦，點知我地竟然睇唔明個ＭＥＮＵ，個ＭＥＮＵ令我地笑左好耐，完全唔明５號餐同６號餐係乜！其實５號餐係廚師推介，但係６號令我地超唔明，所以搵個人黎問下！原來今日既５號係　蟹子鮮尤炒意粉，另外原來６號係１－５號　轉意粉ＯＲ紅飯！淨係呢個都令我地笑左好耐！

叫完野食，ＶＩ記周圍行，突然番黎問我地玩唔玩大富翁，咁無聊既等途中就梗係玩啦，因為太耐無玩，所以個個都拎住本說明書做人。

呵，Ｄ野食黎喇，我覺得好食囉，我叫左個煙鴨胸意粉，個汁真係好好味！之涕大家梗係繼續玩大富翁啦！玩玩下已經玩到大家都記熟哂d 地同賠款，我發覺我地次次出黎都勁嘈，坐咁耐呢道都係唔滿我諗佢Ｄ生意好難做！其實以為玩完既一次ＶＩ記破產，點知佢賣哂Ｄ屋又令到佢可以繼續玩喎，到真係最後係因為芝既廈門起左３間屋令vi記破產，呵！７５００蚊．．．勁！終於玩完我地繼續行下街同想去食埋個糖水！

之後就行去石磨坊食糖水，我叫左個楊支甘露，仲ＳＨＡＲＥ食左小小桂花糕，好好味呀！今晚好完滿亦好開心，令到我既心情平伏左唔少！