唉．．．尋日黎香港我已經去唔到接佢！點解今日又要俾我經歷多一次！！！

今日又準時收工，十分趕急入機場！ＪＥＲＲＹ下晝玩完個　ＯＲＡＬ　Ｂ見面會，就要番去台灣，雖然係８點幾機，但係都好鬼準時！我一收工就澎澎聲去坐車入去！

原來我都係準時咋，我到左５分鐘左右佢已經到，不過死唔落車，不停兜圈！我地不停咁諗佢會唔會好似尋日咁由另一邊走！所以我地決定企中間位，點知．．．突然見到有人跑，我地梗係跟住跑啦！點知跑到去．．．已經話入左閘喇！激死人！＞＾＜　

之後大家都好唔死心不停O係禁區口望入去睇下見唔見佢，我．．．真係睇唔到！好在亞咪勁，係佢影到好近咁等我睇到，由佢過海關到同大家揮手都影到！咪～～～我要俾十個叻你呀！！！

大家見佢唔到個心情都好ＤＯＷＮ下，在大家圍住睇亞咪既ＤＶ既時候，我突然見到一個女仔矮矮既．．．好熟面口！！但個樣真係好似賓妹．．．原來係ＪＯＬＩＮ蔡依林