６點幾起身，即刻去洗左個頭先！因為．．．老闆話尋日太夜，叫我同ｋａｒｅｎ都唔好洗頭，話驚我地頭痛喎！（好媽媽ｆｅｅｌ呢！）

我地梳洗完去左搵野食，第一個上海早餐梗係搵ｄ地道野食啦！老闆話記得佢上次黎有一間ｓｕｐｅｒ好味既鋪頭，但係我地行左好耐都搵唔到！後黎有條街成條街都係食野既，我地忍唔住都係行入去睇下有乜食乜把啦！

點知．．．有一間排哂長龍梗係好ｇｏｏｄ啦！呵呵！真係好ｇｏｏｄ呀！我地叫左生煎包同粉絲湯！兩樣野都好正呀！由其個生煎包真係好食到唔停得口，一咬落去ｄ湯汁就飛哂出黎架，好在．．．我已經知道呢點，秉持好小心去食呢！實在太好味喇　～～～　＞＊＜

之後我地又坐ｔａｘｉ去會場，實在太塞車喇！成個鐘先去到，差ｄ就遲到開檔喇，今日可能係個風走左之後既日子，所以今日多人ｄ喇！老闆同ｋａｒｅｎ去左行毛展，淨番我同顧小姐睇檔！

佢地行到３點番到黎話帶埋我出去走走，實在太開心喇！