今日一早約左顧小姐上廠，約左佢８：１５O係落馬洲等！點知．．．上車冇幾耐打黎就話佢已經到左喇！我只好講”等下啦，我岩岩上車咋！”

之後我都８點到喇，好快咁過哂兩邊關口，等左半粒鐘司機先到！

上到去廠，其實佢上黎係睇自己Ｄ貨，兩批只不過係同一款胚衫，ＣＨＥＣＫ　６個碼，但係我．．．除左我自己個客之外，仲要睇埋展覽辦！好多野做呀！

因為廠食飯食１２點，我地做左冇耐野就出去食飯喇！佢話佢差唔多度哂尺寸，問我仲多唔多野攪，我．．．其實唔太多，不過太鎖碎，都真係唔知自己仲有幾耐做完！

佢終於做完坐O係道等我，仲同美美〔廠既ＱＣ〕講話我做野”咪磨”！做左咁多年野〔差唔多９年幾１０年〕未試過俾人咁話我，只會話我做得快．．．未必係做出黎正確，但係未俾人咁話我囉！激死！

其實我地係想O係廠做完哂野就回家去，所以佢勁催睇下幾時走得，但係上到黎係真係有野做架嘛，如果唔係都唔會上黎啦！真係貪好玩咩！

做到4點幾終於攪掂！ＹＥＡＨ　～～～　回家去！！