我地又要出去正門接人喇〔其實係我！〕，今次係接ＢＡＢＹ同佢亞媽，出去果陣，講真．．．都有Ｄ驚，俾人捉到點算呢！雖然捉到唔會係趕我，但係都係驚！

我出去正門佢真係蓋左個我睇唔到既印，之後我就可以出去喇！出到去即刻打俾ＢＡＢＹ問佢企左去邊，我就叫佢行遠Ｄ，因為真係驚俾人捉，我就事先同佢講我地要扮唔識，之後就俾兩張飛佢入去！

我．．．又順利入番去喇！不過．．．我企左一個工作人員見唔到我既地方，望住佢地入黎！點知．．．有發生事呀！就係佢地兩個俾人ＣＵＴ左，企左O係收飛位，勁問野咁，我就即刻打俾麗娟話佢知，冇幾耐就行入黎喇！好在．．．冇事！原來ＢＡＢＹ話佢問佢點解冇左個水印，同埋問佢幾點黎過，好在佢識執生，知道我地幾點入去！如果唔係．．．我諗佢都入唔到黎！

我地番入去搵番麗娟，俾左兩張獅子王既ＦＡＳＴＰＡＳＳ佢，我地即刻去左巴斯屋喇！

嘩．．．原來ＦＡＳＴＰＡＳＳ真係好用，又唔駛排隊，真係ＧＯＯＤ！

入到去見到巴斯講緊野，原來佢個頭係投射黎架，個咀仲識”旭”！之後我地終於上車喇！

出發　～～～