今日下晝諗住快去個客道，之後去深水土步買野，之後同埋亞浩番公司，再去　　ａｐｍ　睇戲！點知俾ｄ雨整禍哂！

我去到個客道已經好晏，仲要俾個客捉住講左陣野，講完之後已經即刻走，澎澎聲落深水土步買完野，已經．．．６：００！落到咁鬼大雨，都係唔好番去喇！

我就上左亞浩屋企同佢一齊出官塘喇，去到ａｐｍ已經７：１５喇！我地睇９點仲有時間就梗係行下啦，上次萱萱簽名會完左都冇乜點行，因為．．．太多鋪頭未開！行左一陣之後我就同亞浩講不如去排隊食烏冬啦！

間野好抵架，淨湯烏冬或淨冷烏冬都係十蚊咋，好覺得幾好食囉！但係亞浩就話太硬！佢叫左個牛肉飯，佢就話幾好食喇，咁呢個我都覺，因為ｄ牛肉好有牛肉味，佢．．．竟然食到一粒飯都冇！

講番今晚睇套戲，我覺得幾好睇囉，之前我冇睇過影評同埋套野講乜，我覺得幾新鮮！不過．．．間戲院ｄ位我就覺得唔好坐喇！我諗我地都會去番”ＩＦＣ”睇！