今日收工，約左亞浩麗娟去　ＴＳＴ　食左野先，再上紅館，約左婉薇就O係紅館入面等[因為婉薇話唔食野同埋佢遲收工呀]！

我地去左一間叫 "板前" 既日本料理食，我覺得好好食呀，之不過要等成個鐘頭位就．．．唔想再等！

我地３個人食左成　５００蚊野！勁！！

之後勁趕咁上紅館睇　ＣＯＮＣＥＲＴ　喇！點之O係紅館門口見到李嘉欣喎！佢都幾高幾靚！之後梗係加快腳步入場啦，O係門口見到派野，唔執輸既我地，梗係拎埋先入去啦，點知果個人話得佢手上果Ｄ，派哂就冇，我見咁樣梗係拎埋亞浩果份啦，點知我前面個女仔接左喎，我．．．竟然好唔客氣咁拎左佢果份！我仲聽到個女仔話我拎左佢！真係唔好意思呀，我．．．以為佢另一隻手去拎，佢隻手又近我果邊，我好順手咁拎左咋！我．．．冇心架！之後入到場，死人亞浩同麗娟仲笑不停咁話我偷人野！唉．．．！我地既飛係１００蚊，可想都ＳＵＰＥＲ高啦Ｄ位，仲要行好鬼耐樓梯添！去到我地個位，見到婉薇好似化石咁，悶到死！之後我梗係不停咁聊佢講野啦！仲講埋頭先單好笑野佢知．．．

之後ＣＯＮＣＥＲＴ開始喇，今次個ＣＯＮＣＥＲＴ　Ｄ　音響真係好差！可以話全場都唔知　ＡＲＲＯＮ　講乜同唱乜！由其佢唱得細聲果幾首歌‧．．可能我地今次坐貴飛會好Ｄ既！好開心呀！ＡＲＲＯＮ　有唱　我是不是該安靜的走開　同埋　ＸＸＸ　〔突然間唔記得歌名添〕真係好正呀！我細個既時候，都有迷佢一排架，佢所以既國語帶我都有，哈哈！

ＰＳ：講真，佢光頭呢個　ＬＯＯＫ　真係好樣衰！同埋佢太瘦喇，之前果兩舊胸肌都唔見哂！