今日．．．走喇！真係好唔捨得咁快要走！

我今日起身，仲係發緊燒，一Ｄ都冇好轉過！真係　ＳＵＰＥＲ　擔心番唔到香港！初時我都冇擔心過，尋日去天母既時候，好在個的士司機提一提我，我先識驚！我．．．今日仲唔舒服過尋日，好似成日人唔係自己咁！

我地起身之後去左留下食早餐，見到個香港領隊，梗係即刻捉住佢話佢知今日我地唔跟佢去埋靈芝同埋忠烈祠啦！我地淨係　ＪＯＩＮ　ＬＵＮＣＨ　鼎泰豐　～～～　ＹＥＡＨ　！！！

當然佢既答覆梗係得啦，不過佢真係好好人，佢知既野盡量都幫我地！例如我地冇哂錢〔台幣唔知邊道唱〕要兌錢，因為我地仲有Ｄ手信未買呀，點都要兌Ｄ黎買！佢幫我地問酒店幫我地問哂詳情，好好呀　＞Ｏ＜　之後我仲同佢講我地要有一間房　ＤＥＬＡＴＥ　還房，佢都幫我地問埋！好感動呀　～～～　（我地要去買鴨舌同埋港記既鳳梨酥，但．．．鋪頭開９點，所以我地既集合時間係８：３０係冇可能交到房，交哂Ｄ房我地仲有成個幾兩個鐘冇地方落腳）

我地食完早餐就番房訓左陣添〔好明顯呢個其實淨係我〕，等到９：３０決定出發喇，買完就早Ｄ去等啦，佢叫我地１１：３０去到”鼎泰豐”等呀！我地交完鎖匙之後就行出去西門町繼續　ＳＨＯＰＰＩＮＧ，點知．．．冇鋪頭開，只係得我地主要去買野呢兩間野開，實在太失望喇！

之後．．．我．．．個肚唔太舒服，去左　ＫＦＣ　坐左陣，大家睇下有咩再行多陣，約O係 ＫＦＣ　等！點知．．．我坐左一陣，佢地就番哂黎一齊坐喇！原來．．．真係冇野行！我地坐到　１０：４５　就坐的士去鼎泰豐等喇！

點知原來車程個幾兩個字．．．有排等喇！點知原來架車仲遲，成１２點．．．都未到！我同亞浩既錢駛得８８９９，連藥．．．都唔夠錢買！梗係諗住等領隊黎睇下會唔會佢有帶藥啦！點知．．．佢都冇！最後我Ｄ藥O係一個唯一有小朋友既家庭內借番黎！

亞浩見我食左藥都好似冇乜用咁，佢提議我不如拎住Ｄ冰降下溫先，如果唔係真係出唔到境就大鑊喇！　＞>＜　食完野之後．．．我仲係好燒．．．成身　ＳＵＰＥＲ　熱呀，越黎越驚．．．我慢慢放鬆心情訓下睇下會唔會好Ｄ！

終於黎到桃園中正機場喇！黎到呢一刻個心好似心不在言咁，好想快Ｄ過關睇下自己過唔過到！呵呵，過到喇，個人放鬆哂，不過．．．仲好病，唔知趕唔趕到番去睇醫生呢！

我地等左成２個鐘先上機，呢２個鐘入面不停咁影相，大家用盡自己部相機既電為止！上機喇　～～～　ＹＥＡＨ　！！！

上左機，我即刻訓，訓左好似好耐咁，空姐終於派餐喇，係一個飯盒，我．．．真係冇胃口食，只係食左幾淡就．．．俾亞浩食埋！繼續再訓，點知．．．臨降落前，我突然間覺得自己想嘔！即刻同亞浩講叫佢俾個袋我．．．嘔！當然我真係嘔得出啦，我．．．嘔哂個飛機餐出黎！個人嘔完好似係舒服左好多，但係．．．個喉嚨　ＳＵＰＥＲ　唔舒服！佢地仲話我塊面好青添！之後．．．就落機喇！過埋香港呢關我就安全喇！ＹＥＡＨ　～～～　

安全著陸！