嘩．．．今日真係好忙，一早起身就同亞浩去左麥記食早餐，之後就出荃灣拜亞公喇！

出到去．．．亞婆有分付我要買蛋牛治同奶茶俾亞公嘆！！我去左豪江茶餐廳買啦，嘩．．．貴到呢，我以為會有餐之類既野，點知．．．收我２８蚊！又耐先俾我喎，真係火火地！去到的士站，我亞姨又未到，更加火上火，不過．．．算把啦。心情都唔知點解咁！

我地拜完亞公，去左飲茶，呵呵，唔駛我俾錢，實在太開心喇！

之後我地就出左去時代廣場喇，萱萱４點有個簽名會，我地要去排下隊！我地去到都３點１５喇，等多一陣就開始，當然佢係未黎啦！呵呵，又遲到喇，仲．．．訪問左好耐添！

終於到我地入去喇，萱萱今日好靚，佢簽完ｄｖｄ　之後．．．連傾計既時間差ｄ都冇埋，快ｄ合照完就俾人趕走喇，今次亞浩都有合照呀，我諗佢好開心啦，佢鍾意左萱萱咁耐！

夜晚約左麗娟、婉薇佢地去左朗豪坊睇三岔口，呢套戲．．．我只可以講，我睇唔明！！