其實呢個星期婆婆都唔舒服，我．．．日日都有問佢有冇事！可能因為三姨番左香港既關係，另到我可以放心咁唔理！點知．．．俾亞婆話我冇心！

話說星期四我諗住做做下野又驚佢病得太辛苦我就打俾佢睇下佢依家點樣，亞婆話好辛苦，夜晚又訓唔到，覺得自己一個人好可憐！我就即刻問佢“不如我出黎你屋企住幾日”，佢竟然答我“唔好喇，都唔方便，冇事架喇，ｏｋ啦！”，咁我同佢收左線之後我就即刻打俾我四姨問佢喇！“四姨，不如叫亞婆去你屋企住幾日好冇呀？”，四姨話“你講得掂你亞婆，佢長住o係我屋企都ｏｋ！”，咁我就話不如勸下佢先啦，四姨就話叫三姨同佢傾下！

如是者又過左幾日，但呢幾日我都有日日打俾佢問佢點！星期六我諗佢係病好左九成！佢竟然話我冇心，完全唔關心佢，淨係得三姨關心佢！其實我唔係話佢偏心ｏｒ乜，只係覺得原來我連日來既關心都係白費，仲要俾人話我係冇心！呢moment 超級想喊！