一直以為都覺得我好唔 like 我四姨，呢個感覺係已經好耐！但係今日更多！

今日一早約左亞婆o係荃灣荃豐對開的士站一齊坐的士上圓玄學院，明明話佢地兩公婆係唔會出，因為個仔要做咩 PROJECT (表弟讀華仁三年，好似好勁囉，不過為人就．．．)！點知去到．．．梗係見到佢地啦！

一直都相安無事，但我地去番綠楊新村既潮江春飲茶，飲到冇幾耐，佢兩公婆就黎料喇，又為左個仔鬧交，可能我姨丈比較有耐性，淨係由得我四姨不停咁鬧，其實件事唔關我事，但都睇唔過眼囉！其實就係佢個仔話唔識用電腦，又要用電腦做 PROJECT (原來姨丈話已經問過佢駛唔駛教，但我表弟話識囉！)之後就同佢亞媽講做唔成不如落去打住球先啦！我四姨就不停咁鬧喇，以我既意見就梗係小朋友唔想做 PROJECT 想去玩！唉．．．我即刻同亞婆講 "我唔結婚得唔得呀??" 我亞婆就俾左個我開心既答案我，如果你生仔第日都係咁，你都係唔好結！哈哈！實在太開心！