初時亞脾同ＴＮ話我知唔多好睇＆悶添，不過佢地講完我都諗住去睇既，因為里安勒度狄卡比奧做既戲都應該唔會差，哈哈！（套野仲提名咁多項金像獎，應該好掂啦！）

一食完飯就趕去同亞浩會合，不過．．．佢仲未收得工囉，又話我晏去，又話我唔買野俾佢食，真係火都黎埋！

我明明記得佢果日買飛話去皇室堡睇，但係佢話我記錯，依家係去ＵＡ金鐘睇，是但啦，金鐘仲好坐Ｄ添！

入到戲院不停咁望，睇下會唔會咁好彩見到梁朝偉，哈哈！梗係冇啦，Ｄ雜誌又話佢成日去睇既，扼人！不過都見到張同祖（唔知大家知唔知係邊個呢！），佢都幾型！

套戲３個鐘，我真係驚我訓著，不出我所料，我真係．．．釣哂魚啦，仲訓左一陣！不過好快就．．．醒番！開頭果一個鐘，真係超悶架，不過後尾既情節真係超快囉，話咁快就睇完喇！都唔係話唔好睇呀，都ＯＫ架！