今日收工後，老板個老死顧小姐請哂我地成間公司既同事去”寧波鄉親會”食飯，老板準時同我地走之餘，仲同揸車車我地去添！實在太好喇！

今晚我雖然係趕ｄ，因為亞浩買左飛睇”娛樂大亨”（９：２５），但係我諗我夠時間架，最多咪早走！

去到都係７：００一定夠時間啦，我地叫左１８樣野食，好正呀，每人食少少都可以試到好多野！我地叫左小籠包、鍋貼、糖醋魚、炒年糕、炒蟮糊、上海拼盤、炒百頁、賽旁蟹、清炒蝦仁（呢個超美味呀）、撻菇菜炒咸肉、銀絲卷、紅燒元蹄、酒釀丸子、紅棗鍋餅．．．諗唔到！真係樣樣都好好食，可能自己鍾意食炒蟮糊既關係，覺得呢個送唔多夠，哈哈！

食完喇，快ｄ上埋ｄ野，等我可以有個借口快ｄ走，唔係一定俾亞浩鬧死！不過都難逃呢劫，打電話黎喇！仲話我點解唔買野俾佢食添，唉．．．一早話唔好今個星期二睇架啦！