今日約左婉薇１點O係上水等，諗住上東門行下！我地去左深圳唔記得咩名酒店內既丹桂軒飲茶，不過婉薇話好貴囉！我又唔係咁覺得喎，可能已經飲過好多次！

我地坐的士去到東門，我地漫無目的咁行，都唔知自己行左去邊，好鬼驚，好在我地兩個人上，如果我一個人，肯定驚死！

我地問左兩次人先問到婉薇話既九龍城商場o係邊，真係難搵！不過呢個商場真係好似九龍城廣場架，連入面都似！不過d鋪頭就好行過香港啦，我地行左3層之後，竟然一樣野都冇買到，只係婉薇買左一條裙！我地之後就上到4樓，完來4樓以上全部都係修甲呀，整頭髮呀，影相咁，我地只好去婉薇上次整過果間修甲。

去到佢話果間鋪，多人到呢！婉薇既目的係駁髮，我既目的係修甲，不過我修完甲婉薇都未攪掂，我個心開始想整埋頭髮喇，哈哈！當然最後梗係有整啦！

嘩．．．整完出黎超似自己ｄ頭髮呀，好真好真仲好長添囉！不過我地整完頭髮冇哂錢，諗住去商業城買ａ貨都唔得！我地差ｄ出唔到整頭髮呢間鋪既門口呀，因為真係整到冇哂錢，我地唔係帶左好多錢上去，所以．．．其實個頭整得唔貴囉，１蚊一扎，平均一個頭要整大概２００－４００蚊左右囉！

之後我地坐的士落番去羅湖城，就結束我地今日深圳之旅喇！