今日個心情好似好番少少，不過個心真係超想番屋企，唔知點解真係好掛住屋企！

12點既時候，KAREN 打番黎公司話叫我等埋佢1點番黎交待埋 D 野俾我先收工，個心即刻一沈！因為一直都係諗住一收工即刻番屋企既...點知俾佢打亂左我既計劃！一直等佢既時候自己個腦不停咁諗，唔通我又做錯野，俾佢鬧，點解要留O係道既，不停亂諗野！突然麗娟打黎約我食 LUNCH，咁我用好 DOWN 既口吻話唔知幾點收工，反問番佢等唔等我！咁當然等我啦！

點半左右終於番黎喇，佢一番黎我就問佢，可唔可以同我傾左先，我約左人！咁...就入左老板房傾喇，個氣氛好奇怪咁！原來佢係想同我地講，未來呢一年既野同埋加人工，我...真係諗多哂！不過我覺得呢排自己好怪，太多心！係咪有病呢！

ＰＳ：好期待聽日既來臨！