今日起身唔知係咪因為天氣既關係，個心情真係好差！其實尋晚睇完 BEYOND 心情應該會好好架，但又可能係唔夠訓既關係，另到我心情都...

番到公司冇幾耐，TERRY 話我知要安排人去深圳交收，初時我以為係張仔或者係劉叔去，點知...張仔要落貨，佢話冇咁早會落完！所以去唔到，咁到劉叔啦，其實我都唔明尋日點解唔打俾劉叔就叫我去交收呢，雖然收交係一件好小既事，可能係因為心情差既關係，另到我心情即刻跌到落超底點！同埋可能深圳呢個點未去過，個心真係好驚！同埋交收完我仲要拎 D 野去個客道 (上環)！

不過去到都真係好驚，因為本身約左11點交收既我，坐小巴落旺角去火車站之際，大陸廠竟然打黎話要改時間"１２點！"，我10點就出門口，仲有咁多時間，我都唔知做乜好！去到羅湖火車站好彩有"鄧"可以坐下，我坐到11:45 就過關，過關俾我想像中快，唔駛2個字我已經去到深圳，依照 TERRY 畫俾我既地圖去搵地點，點知我都係去錯地方Ｔ＾Ｔ！其實可能係我冇聽清楚 TERRY 話俾我聽O係邊！我竟然O係私家車停車場道等蔡叔，我去到其實都好保險，即刻打上去大陸問下 D 同事，我有冇去錯地方，點知...食飯時間係冇人答到我既，好衰唔衰我又冇寫底我大陸個同事既大陸手提電話，果個 MOMENT 我淨係諗，我一定去錯，但係我真係唔知正確地點O係邊，只好等佢地打俾我！等到 12:30 終於陳生打黎喇，好正佢打黎咋，唔係我都唔知等到幾時，我都話自己去錯架喇，不出我所料，真係錯！不過都係對面，我就即係照陳生既指示，過對面搵蔡叔喇！去到見到佢喇，真係安樂哂！不過...仲衰，就係袋野實在太 Q 重喇，點解唔帶車仔俾我，又或者叫我帶車仔呀，果時唔知係咪個心仲唔知飛左去邊，當時我係諗住買架車仔，點知過左一間又一間既鋪頭，諗住過關前都仲有得買架嘛！點知...冇！

真係黑仔，點解過番香港要等咁耐架，足足等左半個鐘，真係好 Q 多人！過左關之後，我去番旺角食 LUNCH 先！食 LUNCH 既期間，個腦不停咁諗，我係咪應該叫人出黎接我呢，最後決定都係打番去啦，真係太重喇！其實拎起我 D 野，袋野都唔係好重，不過加埋我果 20 件衫，我隻手真係拎唔到，我O係深圳過番黎香港都係一直拖住個袋黎行！張仔終於出左黎旺角幫我拎野喇，不過佢都唔肯車我過海，不過冇關係啦，袋野輕左，都唔係太辛苦，不過 D 雨就...實在唔聽話！

去到上環都唔知好彩定唔好彩，好彩既係上到個客道，個客唔駛我留底打胸牌，而唔好彩既係我等巴士番公司等左好 Q 耐！番到公司已經係 4:30 左右喇，實在太晏！出左去竟然6個鐘頭！

終於等到收工喇，個人真係好死，希望星期六既心情好 D 啦！