之後佢仲算到我父母應該攪緊離婚，佢話如果佢地唔離既話，佢地兩個人會死一個添，聽到呢道個心寒左一寒！仲話其實我係尅我老豆，所以我地既感情係唔好既，基本上佢話我同家人既感情就係唔好，但我係好顧家既，永遠只有我對家庭付出，佢地係唔會對我付出既，佢講到呢到我真係好想喊，點解要我係咁，不過我知道呢個就係我既命運，我係改唔到既！

佢話我既事業心比較強，同埋佢話我應該可以開自己既鋪頭，講講下就話收我做徙弟，佢話同我有緣，同埋我可以學得黎，但係講真，呢個心我真係冇！

講講下其實我覺得都差唔多，同埋亞浩o係出面已經等左我好耐，我諗我都差唔多要走，咁我就放底左幾百蚊俾佢，我就同佢講ｂｙｅｂｙｅ喇，不過佢再３提醒我有乜野事記住打俾佢，放心啦，有事一定啦！哈哈！

ＰＳ：仲有一樣野我覺得好好笑，就係佢話我個口唔停得，會不停咁食野！