我今日其實約左佢地（台灣朋友）１２點半o係旺角ｍｔｒ內既恆生銀行等，點知我唔知醒起身，攪到成１２點幾先出門口！

出到去已經１點幾喇，真係唔好意思，好在佢地等我咋！我問佢地餓唔餓，佢地話唔太餓，不過我餓呢！哈哈！（因為佢地尋日問我香港既稻香酒樓係咪好好食，我答佢地唔係啦，佢地間酒店既榮華酒樓ｄ野仲好食啦！所以佢地今日起身就去左喇，佢地仲話我知，佢地兩個人叫左７籠點心，仲一路食一路話好好食！攪到個經理過黎派咭片呀，幾勁呀！）我帶左佢地去一間好隱密既雲吞麵舖頭，其實都唔係太明點解台灣人咁ｌｉｋｅ雲吞麵，可能我地成日有得食啦，所以佢地果邊就好受歡迎喇！

我地食完野之後，我首先帶佢地行女人街，佢地都行得好開心呀，仲話香港既女人街同台灣既士林好似！

行到３點幾４點，大家都覺得好累，話要休息一陣，我就帶左佢地入去女人街既一間澳門式既茶餐廳食野同休息下喇，其實要行呢個旺角真係唔夠時間，因為佩華好ｌｉｋｅ　ｓｎｏｏｐｙ，想今日入埋去沙田ｓｎｏｏｐｙ　ｌａｎｄ影相，不過真係只可以影相囉，佢地今日想去既地方實在太多，又話要去赤柱，又話要再去多次山頂，真係太多喇！

我問多佢地一次，最想買既野係乜，等我幫佢地諗下去邊啦，佢地答我最想買既係波鞋，咁我就帶佢地去瓊華中心，咁好多ｉｎ既野都好易搵到！

佢地好易就買到又平又正既鞋喇，仲買左ｄ衫啦、精品添，連我都買到褸呀，哈哈！真係好開心！

咁我帶佢地坐埋巴士，香港既交通工具都坐左８－９成，都應該好滿足！我帶佢地番酒店放底哂ｄ野，再幫佢地安排一下，因為亞浩有得早放既關係，所以我夜晚冇陪佢地，只係睇下有咩可以幫下手！

佢地取消左唔去赤柱，不過話點都要去多次山頂，其實都好既，山頂既景咁靚，由其夜晚啦，佢地果日只係日頭去，夜晚去就唔同好多架喇！咁我教佢地去山頂之後，我就搵亞浩食晚飯喇！

同亞浩去左灣仔既日本料理食，呢間野都好好食，又平，都幾正！

不過我地食飯既話題，全部多數都係我既台灣朋友！我可能今日講得太多國語既關係，我竟然不知不覺同亞浩講野都係國語，俾佢話左我餐！

我地食完飯就去左時代廣場既ｃｉｔｙ　ｓｕｐｅｒ　呀，因為屋企仔仔冇哂狗糧既關係，我就o係ｃｉｔｙ　ｓｕｐｅｒ　買左ｄ正野俾佢食喇！希望仔仔 like 啦！

我地行到成１１點，就坐車番黎喇，見到仔仔餓到連水都飲哂，真係唔好意思！佢見到我買番黎ｄ糧超開心！