我地食完飯之後，我帶佢地去左金紫荊廣場，一入到去我見到架大家都好想食既車，梗係香港獨有既雪糕車啦！實在太好食喇！

我地影完一陣相之後，我有一個好無聊既提議，就係不如．．．坐來回灣仔同尖沙咀既船喇，初時呢個諗法係唔想落船架，因為有ｆｄ打黎話尖沙咀超多人，都唔想落！

咁我地坐上船，佢地影左好多相，真係好靚既香港海灣！不過好快就到喇，本身大家都諗住唔落船，點知．．．我地俾人趕落船喇！

既然落左船，梗係帶佢地去海港城影一影相啦，不過真係插針都插唔入喇，只係遠距離咁影一影相就算！我地就即刻番去碼頭，坐番去灣仔喇！

我地落左船之後，我又有提議，不如去許留山食甜品啦！不過原來佢地話我知，原來台灣都有架！

食完之後，我地送佢地番酒店之後就各自搵車番屋企喇！