我到左蘭桂芳就打電話問佢地o係邊喇，佢地話依家黎搵左我先！一見到佢地，好似一班好耐冇見既老朋友咁！

佢地話想去左聖誕小鎮先，咁我就帶佢地去喇，去到連插針都插唔入呀，多人到呢！我地只係影左ｄ相就帶佢地番酒店喇！

我帶佢地去坐香港好特別既電車！上到車好好采咁俾佢地有位坐，我仲叫佢地休息之餘，仲可以睇下周圍既環境！（哈哈，估唔到我都有艷遇，有個男仔幾靚他架，問我路，其實佢問既地方只係ｓｏｇｏ，我諗冇人唔識去囉，不過一睇佢個樣就知唔係香港人啦！我落左車仲同我朋友講，我有艷遇，佢叫我咪痴，哼！我認為係就係啦！）

我終於同佢地番到去酒店喇，我叫佢地唔好休息咁耐，佢地真係冇乜時間遊香港！（其實點解我會話冇時間呢，明明之前我都有講過係４日３夜，其實係佢地應該俾人扼，因為第一日黎到已經係半夜，另外最尾果日仲要係１２點就走，跟本只有２日活動！）咁大家休息左一陣之後，我帶左佢地去近會展中心既７喜食飯！呢間飯店好多明星黎架，都好好食！