等左佢地成晚電話，都係冇打黎，真係超擔心！不過佢地１０點幾留左言俾我喇(因為我做緊野，miss 左佢個call)！我地仲約左o係酒店等！

今日大家都好期待，老板會唔會放我地早ｄ收工，哈哈！有呀～～老板ｌｕｎｃｈ同我地講，做哂野就可以早ｄ走！佢４點幾就走喇，我．．．做哂ｄ野都差唔多５點走！

放工新同事ｍａｎｄｙ陪左我去葵芳拎衫，只不過去到間野個老板唔知去左邊，我地周圍咁行，不過來回去左２次佢都未番，ｍａｎｄｙ提議我不如睇下有冇第２間都心水，咁咪唔駛等佢開！

我最後都買左２件衫呀，呵呵，兩件加埋都唔駛１００蚊，實在太底喇！我地去左換衫，就坐ｍｔｒ出灣仔、銅鑼灣果邊！我去到金鐘，打俾我香港朋友，就問佢地o係邊，佢叫我去蘭桂芳搵佢地！咁我即刻去之坐番中環線既ｍｔｒ搵佢地喇！