今日收工就同亞浩去左葵芳新都會睇”盜海豪情12 瞞徒(Ocean's Twelve)”，我地初時諗住去元氣食野，點知６點幾已經鬼咁多人，我地最後去左ｋｆｃ隔離果間日本野食，點知都唔係太好食！我地見仲有時間就去左葵涌廣場行下喇！呵呵！我竟然買到衫實在太開心喇，不過冇得即時有得拎，有ｄ失望！後尾仲睇中左件衫，不過又係冇得拎，因為佢淨番ｄ細碼，所以叫我聽日３點後就去買，連訂都冇收我呢，實在太好人！

嘩！行街行到唔知時間，夠哂鐘喇，仲俾亞浩話我掛住睇野，哈哈！入到場喇，岩岩開始套野都唔悶架，不過．．．初時我真係以為好似上一集咁正，點知睇睇下可能係我太累既關係，釣左好多魚！不過最後唔知點解個人又好醒，終於睇哂套野！

ｐｓ：今日有台灣ｆｄ到香港展開佢地４日３夜既香港之旅，希望佢地開心啦！不過佢地話今日一到酒店就打俾我！快ｄ到啦！