今日一收工就番左入屯門剪頭髮，哈哈！當然唔係剪短啦，只不過係剪走ｄ開叉，仲有同亞浩一齊剪，佢就真係剪短喇！

剪完之後，我地去左睇華仔既〝天下無賊〞，套戲都好ｇｏｏｄ！

不過我地睇完出黎，亞浩話唔好睇，我問佢點解，佢竟然答我〝因為華仔死左，點解套套戲佢都要死〞！哈哈！我笑左好耐，佢話點解呢排有親華仔做既戲都要華仔死，又係喎，龍鳳鬥都要死！

之後我地o係巴士上面不停咁笑，話林家棟ｄ好野！話睇唔明呀其他其他，好似其中一幕，華仔一下放隻熟雞蛋o係"桌面，咁隻雞蛋殼都爛爛地，之後再放入個杯入面再放左d鹽入杯，就開始搖喇，佢可以搖到d蛋殼冇哂，好勁﹝當然係特技啦我諗﹞其實我地淨係研究點解要落鹽啦，佢咁搖d鹽都冇哂啦！又仲有一幕葛優o係火車上面，用單手"滅"雞蛋殼，仲要係生既，跟本冇可能，佢仲係用指甲去"滅"喎，真係好好笑！不過套戲都幾感人既！