今日本身約左朋友睇ＭＡＫＳＩＭ，點知尋晚突然俾另一個朋友叫我陪佢睇華仔，華仔入黎屯門市廣場宣傳碟！

本來約左大概１２點左右入到黎，點知我起身既時候已經係１２點幾，佢都冇打黎，到１點左右打黎話可以出門口，問我仲黎唔黎，我梗係叫佢唔好入黎啦，咁Ｑ多人咁晏咁入黎，一定冇位睇啦！

唉．．．早知佢入唔到黎，去睇ＭＡＫＳＩＭ好過！今日又係乜都冇做過，不過有繡野囉，ＩＲＥＮＥ既生日禮物，希望佢ＬＩＫＥ啦！件禮物係個　Ｉ　字，仲有ＰＲＥＳＩＯＵＳ　ＭＯＭＥＮＴ既公仔抱住架，好可愛！

到夜晚，個ＦＤ話我知佢趕唔到去ＭＡＫＳＩＭ個簽名會，不過佢有奇遇話我知，話說佢行尖沙咀海港城行到９點幾，行行下入左豐澤睇野，點知見到佢超高既人，佢一”台”頭望，嘩．．．ＭＡＫＳＩＭ呀，佢就俾左佢今日帶左成日既ＣＤ佢簽喇，佢話ＭＡＫＳＩＭ全程都冇講過野，只係同佢講左一聲”ＴＨＡＮＫＳ　　　ＹＯＵ”，反而佢隔離既人就有同佢地講野！佢呢個奇遇實在太好喇，佢今晚有上勁歌金曲架，可能攪掂哂Ｄ野冇野做，行街街！咁都會俾佢撞到，實在”鄧”佢好開心！