原以為今日可以好開心咁準時收工，點知老板女又番左黎，佢明明尋晚同我講佢去澳門架嘛，佢一番黎我地都一定忙到想死！因為亞詩請左病假既關係，karen 又要我同亞蚊幫佢手做亞詩既野，令到我係完全做唔到自己野！

其實點解要咁急做哂自己 d 野，係因為顧小姐番埋星期一就去加拿大喇，所以我想趕埋 d 野俾佢幫我對！點知......都係做唔到！

本諗住佢老公好早黎接佢去澳門，我地就可以做番自己野，點知...到4點都係仲攪緊佢既野，當然唔係全部時間既，最後大家都要開 ot 開到成4點先走得，當然佢老公係3:45先黎啦！

我仲要幫亞婆去買 "陳卓明"田7豆蔻油同埋即刻拎俾佢(唉...我都唔明點解周圍都冇，明明 d 廣告話"各大小藥房"都有架嘛，都係唔可信！)，諗住早早地拎完俾佢，連飯都唔陪佢食就即刻番屋企，點知都成5點幾都買完，我就約佢6:30喇！

梗係同佢食埋先番屋企啦，有咁多時間淨梗係上我男友公司道坐下啦！

食完飯都係得 7:30，我又上多次去我男友道等佢收工，陪我去巴士站等車，番到黎睇"台灣既金鐘獎"，都真係幾悶，不過都係想睇下小ｓ拎唔拎到獎！

嘩．．．真係好眼訓，真係唔係好想沖涼先訓，不過個頭好臭都係洗埋啦！