今日係我一個不經不覺識左２年幾既朋友生日，我地約左去食韓國燒烤，今晚大家講左好多鍾意ｊｅｒｒｙ既野，當然識到呢班朋友都係因為ｊｅｒｒｙ，真係幾開心，鍾意一個偶像可以識到一大班朋友！

今日食緊韓燒既時候，大概８點幾，maria o係大陸廠打黎同我講關於做野既事，其實可能係我諗埋一邊，我由96年做野至今，我都唔鍾意收左工有人打黎同我講關於工作既野，我覺得收左工，點解依家先同我講，唔第日先同我講呢，ok！一個電話都好，佢唔係，佢係連續打幾次黎，半粒鐘打2-3次黎，好喇，我真係覺得好煩，點解你要做到半夜，朝早又搵你唔到，你又夜晚打黎，我覺得冇理由我休息既時間，仲要幫你記住我聽朝早要做d乜！

我番到黎屋企，一大陣燒野食既味，自己都頂唔順，一番到黎直沖入toliet沖左涼先，真係唔掂！我沖完出黎見到個 miss call 係冇 no. 既，一定又係佢啦，望一望個時間，真係要講個字 "頂"！幾點呀大佬，冇野呀，成11點40分仲要打黎，你唔訓我都要休息呀！係咪要諗下人地咩感受呀！！！

我o係上個星期已經有2次諗，我要 resign，真係頂唔順佢，不過一諗到細佬又失業，我又 resign 既話一定死！！所以死忍，但係有時真係會忍唔住！

唉．．．佢夠竟幾時先明架，又唔係唔同佢講過架啦，講極都唔聽，自己一個人又頂成１４個客，雖然 d 客落既 order 既款數量唔多，不過自己要記咁多野都頂唔順啦，又唔搵人傾，乜野都攬上身，唉．．．我都唔知講乜好，有時 D 野都唔好意思開口啦！

好喇，打左咁多字都應該要死去訓！第日再寫！！