今日亞婆生日，夜晚約左o係 太古城 既 西苑 食飯！

一收工問亞浩去邊好，(佢今日特登請假去食飯，呵呵)auntie & uncle話去同亞浩個亞"女麻"飲茶(去秀茂坪)，點知我去到麗閣村已經2點，晏到佢地等我真係唔好意思！

去到秀茂坪都係2點幾，不過原來冇位，都要等！

飲完茶之後我地上左去佢地屋企坐到 6點，之後就坐 mtr 去 太古城行下喇。

去到太古城，有間 mickey mouse 既舖頭，我有睇中野架，不過我諗我都係唔岩著架喇！唉．．．．．．

終於到7點喇，去拎位先，呵呵，又遲過亞婆去到添，不過今次有人仲遲，終於唔駛俾人鬧喇，呵呵！

今日呢餐係3姨丈請亞婆食，佢真係好捨得架，9個人食左個3500幾蚊既餐，真係好貴！個餐好正，有蟹粉小籠包，又有原隻鮑魚，真係好好食！

o係呢道多謝我3姨丈先，呵呵！

PS : 雖然冇相咁多人，不過都係掙舅父同三姨，當然我拎相機影相啦