今日收工同亞恩去左荃灣ＧＲＥＥＮＢＯＸ唱Ｋ，我地去到果個人話有大閘蟹送，（心諗係咪咁野笑呀），佢話８點鐘就會送入黎房，咁我地咪去ＢＵＦＦＥＴ果道拎野食，不過都冇乜野好食！我地淨係食左少少野就算！

到左８點，出面傳黎好大陣既蟹味，勁呀，真係有喎！都唔係話好大隻，但係應該新鮮既！

另外仲有一個新玩意，就係估盒入面有幾多個ＧＯＬＦ，有人入黎收到我張紙果時我地都仲未知有咩中，亞恩就話佢出去睇下有咩中，因為個服務員話中左冇人認領就冇得後認，咁所以先會出去睇！最後決定係我估，我估有２８８個，其實我都係亂黎，哈哈！亞恩番入黎喇，佢話我地當然唔中啦，不過都差無幾，佢話應該３００左右，原來估中果個係全張單ＦＲＥＥ，個主持人仲話”有人預感中既快Ｄ番入房勁叫野喇！”嘩．．．其實都幾難中，不過下次會用心Ｄ估，哈哈！