嘩．．．．．．實在太開心喇！！

今日夜晚睇ｊｅｒｒｙ個ｐｅｓｐｉ　ｓｈｏｗ，諗住企位唔方前啦，都真係好後囉，都睇唔到ｄ乜，個主持人話ｓｅｎｄ　ｓｍｓ　可以上台同ｊｅｒｒｙ近距離接觸，咁我諗住一蚊ｓｅｎｄ一個試下啦！點知，ｓｅｎｄ完有回條入，係一個
ｐｅｓｐｉ　既　ｐｗ，完來我中左獎喇！哈哈！有得上台玩喇！

點知出到去發現第一個ｇａｍｅ係跳舞，我咁死肥點跳，哈哈！有ｄ後悔，仲要係跳肚皮舞添，係咪人都癲呢！我一上台已經勁搵下前面有冇人識，我淨係見到亞蚊同河馬，其他朋友仔一個都唔見。好驚真係好驚，咁多人望住你．．．ｊｅｒｒｙ望住我笑，我當然唔放過呢個機會啦，不過我都唔係同佢講其他野，只不過係同佢講”我好怕！”，佢笑左一笑！下次有機會真係要諗定同佢講ｄ乜先得！不過唔緊要，有得見佢，真係好開心！

首輪男主持人ａｍｉｇｏ叫左一個女仔落台，之後再玩第２輪，梗係輸左啦，到個女主持人豬芬（９０３ｄｊ）叫人落台，真係做馬，佢見ｄ人肥就．．．算．．．我都叫做咁近距離見佢，呵呵！

仲未講有幾ｃｈｅａｐｄ禮物，拎番好鬼舊（其實都叫新既對於百事黎講）古裝
ｐｏｓｔｅｒ黎送俾人，係ｆａｎｓ都會有啦，哈哈，一落台我就送左俾螢映！

之後我地其實都睇得好悶下，因為個台實在離我地太遠，我地都忍到完場，即刻沖出去坐ｔａｘｉ落官塘食野，點知出到去冇ｔａｘｉ，真係激死，我就叫佢地不如行啦，佢地又話累喎，不過講真，又真係幾累既，企左好鬼耐！我地最終行左出去大街先有ｔａｘｉ，去左味千食！咁就完結左一晚咁開心既晚上喇！！！