今朝婆婆打黎話想買床褥，咁我驚佢亂買野，我就主動話同佢去睇，咁我就約左佢３點半一齊去，我地就去左海馬既軒琴居喇！

去到，有個哥哥仔招乎我地(都幾靚仔架)，本身亞婆諗住淨係睇床褥，點知不出我所料，佢睇埋梳化，仲睇中左一張添，不過佢話驚屋企唔夠位放，都係番屋企度一度好 D，咁我地訂左張床褥之後就番屋企度度喇！

番到去我度左張床先，因為佢話唔岩SIZE可以免費即日改單，海馬話所有3"高既床褥都係訂造，所以SIZE都好準。亞婆話本身張床係STANDARD SIZE，點知一度之下就唔係啦，原來張床得5尺半長咋，要改單單喇！咁我當然順便咁度埋張梳化！一度之下，張梳化原來仲細，得69寸，佢睇中果張成75寸架，一定唔岩啦！不過亞婆好堅持話問下有冇得訂造，佢話床褥有，冇理由梳化冇，哈哈，我都唔明咩理論！咁我地為有再去過啦，點知落去其間，佢話不如等陣去埋太古城睇下有冇膠水壺買，大家睇到呢道係咪覺得好奇怪呢，買個水壺都要突燈去！我亞婆就係 D 咁奇怪既人！ 哈哈！咁到最後就梗係冇去啦！仲有張梳化就梗係冇得訂造啦！

我帶左佢去SOGO 十蚊店睇下有冇水壺賣，佢都係睇唔中，咁我地最後仲去左SUPERMARKET SHOPPING，實在太開心喇，我好 LIKE 去 SOGO SUPERMARKET SHOPPING 架！買左好多野呀，又買左麵包，真係太 GOOD 喇 ~~~~~ 呵呵！！