今日本身諗住好開心，一大班人一齊飲茶，點知１１點幾先發覺提議飲茶果條飛機友仲o係大陸，又有個同事冇番工，正諗住淨番我地幾個之際，馬太（我地同事之一）同我地講叫左老板個賓賓不”特”止，（我地唔係歧視賓賓，而係呢個賓賓太多口，成日講主人既壞話，尋日老板女已經想炒佢．．．同埋佢今日同我地去飲茶，佢竟然唔問下佢主人佢去唔去得，呢個真係好大問題）仲叫埋老板個亞媽添，咁都冇所謂啦，冇野傾咪算囉，都係咁食，不過到最後竟然連馬太都去唔到！

首先係賓賓去拎左位先，亞婆落去搵佢，咁淨番我地４個人坐的士去酒樓搵佢地啦，我地去到已經勁叫野食，點知亞婆話我地知個賓賓唔食肉（點知原來唔係唔食肉，原來係唔食豬肉！）咁terry 就好好心咁叫左 d 湯麵俾佢食啦，佢點左牛肉，魚蛋，同埋牛丸，佢以為好似車仔麵咁可以叫好多送，點知．．．．係一碗碗。一黎到笑到我地死．．．我地番到黎公司仲話做好心冇好報！　

PS：相中就係我地食淨既叉燒飽喇 ~~~