呢兩日真係好凍好凍... 尋日0既天氣就好似 Today After Tomorrow 入面咁, 0的雪全部飛起... 今日返到 Hamilton, 見到屋企對面0既 house 0既雪係堆到有膝蓋咁高, 好彩我有出到 toronto, 如果唔係得自己一個0係屋企, 聽到咁恐怖0既風聲嚇死我都似... 不過聽日開始會回暖啦, 雖然都只係得 -10 度, 但比起上星期已經好好多...

呢個 weekend, 因為要幫爸爸媽媽報旅行團, 所以要出 toronto... 星期五已經出左去, 同 eska 0的 roommates, 同 yan 去左唱 k, 之後一齊去左食飯, 佢地都好搞笑嫁... 亦都好好人, 我地0係度討論大家邊間醫院出世 tim, 又見到 eric 仔, 皆因佢好快就返香港, 所以可以見到佢都好好彩... 同佢地一齊, 會令我諗到一樣野, 就係自己好老啦, 同佢地比, 好似我 at least 都大佢地 2 年咁... 唉... 跟住去到 yan 度, 無聊左一陣, 睇左陣 vcd, 就開始溫書, 我都知死嫁啦, 下星期 3 個 tests, 點敢唔溫, 我而家最擔心0既係 finance 0既 quiz 同 accounting 個 test... finance 都仲可以一齊做, 但 accounting 真係... 好怕好怕... 呢晚, 同媽媽差0的鬧起交上0黎... 我收線0個一刻, 即刻喊到收唔到聲, 亞恩又一早訓左, 我自己坐0係度對住個電腦係咁喊, 好彩有 meiyee 陪我, 聽我講左一陣... 謝謝 meiyee!! 因為我 care 媽咪, 我先擔心, 我先希望媽咪快0的睇醫生 check 下有冇事... 但係唔係每個人到左某個年齡, 就會好怕知自己有病 !?!? 我都怕, 但如果0係度擔心自己係唔係真係有事唔會仲傷身咩 !? anyways, 我仲同媽咪嘈... 佢已經同個醫生嘈左一輪 (個醫生又真係勁唔 professional 同 reliable 0既, 不知所謂!!) 覺得自己好唔岩嫁, 知道媽咪一激氣就會血壓高, 我真係好怕嫁, 我0既外婆都係因為爆血管而過身, 真係唔想會再發生0係身邊0既人身上... 沖完涼之後, 我都係唔放心打多左次電話俾媽媽, 大家冷靜左好多... 傾左好耐... 先安心0的 !! 點解0的大人只係識得叫我地要自己照顧自己, 唔好要佢地擔心, 但佢地反而會做0的野令我地去擔心呢 !?

到星期六, 諗住天氣咁差, 只係想0係恩屋企留下求其食0的野就算... 之後 eska 叫左我地去食飯, 我地去左食 sushi, 我想食好耐嫁啦, 終於可以食啦, 嘻嘻, 俾 eska 睇穿左我會揀咩 tim... 真係我0既好妹妹... 哈哈... 今晚亦影左0的相, 大家食住糖0既... 但係回去0既途中, 天氣太凍啦, 地下又太多雪啦, 當我地落 subway 0既梯級時, 亞恩一唔小心, 就跌倒, 仲要由上面一路跌落去, 當我想去捉實佢0個時, 我都差0的跌親... 真係太危險啦, 亞恩跌完仲係咁笑, 話好好笑, 雖然0個 situation 係有0的好笑, 但我真係唔係好笑得出... 經過上次亞興0既事, 我真係好驚再見到人受傷... 返到屋企, 恩就開始嘈好痛, 又瘀左一大塊... 恩, 你真係要小心0的啦, 記住塗藥膏, 真係再痛0的, 要去 check 下呀... back wo, 可大可少嫁... 只係想講, 大家真係要小心, 0的雪, 冰真係好滑, 好危險, 無論開車0既, 行路0既, 都小心0的呀...

而今晚, joseph 生日, 我地同佢慶祝生日... 我應承左佢唔會搞任何野, 我亦無預備過任何野... 0的蛋糕係 nancy, jason 預備0既, 我唔希望佢又誤會我誤會佢意思 je... 今晚, 我有0的呆呆地, 有0的累, 可能因為尋晚訓得少0既關係啦, 不過之後0係 D's 飲野, 玩耐左好左好多... 最近睇緊本書, 入面寫究竟我地0既生日代表咩 ? 只係一個日子, 一個數字, 值得記住 or 慶祝 ma... 不過佢0既答案係 " 生日的意義是, 你值得比平時快樂 " By the way, Joseph, Happy Birthday!!