尋日好開心呀... 雖然呢, 要返 9:30 堂, 但真係一整日都係開心0既... 我諗以後我都會揀 9:30 堂上... 因為有 satoe 陪我上 finance, 我再唔係一個人之外, 可以有個人俾我問下究竟發生咩事, 教緊咩... 之後, 約左 nancy 一齊食早餐, nancy 當然食佢至愛0既 chocolate chip muffin 啦, 我就唔知點解好想食 blueberry muffin wo... 今日好似特別好食咁... 之後就去左上 accounting, 今日上 accounting 有好多人呀... 有 nancy, satoe, joseph 之外, 終於見到 grace 同 annie 啦, 今個 term 真係好少見佢地 ma... 所以見到佢地, 個人都開心好多0既... 落堂0既時候, grace 話原來 12:30 有一堂 QB 0既, 我, nancy 同 joseph 又走左去上啦, 係有0的趕嫁, 不過好開心 lor, 再唔係一個人去上堂, 可以一班人走呀趕呀玩呀咁... 上堂0既時候, 我都唔係上堂嫁啦, 每一堂 QB 我都集中唔到精神0既, 卒之我同 nancy 又開始我地0既 英文字比賽, 哈哈... 每次開一個英文字母, 然後就輪流諗呢個英文字母開頭0既字, 好搞笑嫁... 我地係會為左諗多個字而聽下書聽下有冇 or 睇0的 notes, 哈哈... 放學之後, 0係巴士站見到 german, 肥 c... 佢地話要去 加拿大輪軑 買野, nancy 問我去唔去, 橫掂我返到屋企都無野做嫁啦, 我又好耐無見過佢地 wo, 就跟左佢地去啦... 佢地好好笑嫁, 每樣野都可以搞笑化, 同佢地一齊真係開心嫁, 雖然唔會知幾時真, 幾時假, 但對住佢地真係開心0既... 之後去左 McDonald 食完野就返屋企啦, 不過約左佢地會一齊 dinner... 到差不多 7:30pm, 我地就出發去 京都 食飯, 除左 nancy, german, 肥 c 之外, 仲有 joseph, 亞蕭, 因為亞興開始返工啦, 所以無0黎到... 呢餐飯又係食得好開心0既, 個口係無停咁笑... 本來諗住食完飯可以去睇 功夫 嫁... 起初真係唔係好大興趣, 但聽完 nancy 講又覺得幾好睇幾好笑咁 wo, 所以諗住睇啦, 之後佢地話亞興都想睇, 但又唔咁夜睇, 咁就無睇 lu... 返到屋企, 唔知發咩神經, 好乖咁做我份 assignment, 可能係因為我同自己講, 要做好份 assignment, 先可以做自己0既野, 我就好努力咁做... 我發現我都成個月無寫個英文啦, 完全好似唔記得點用, 用左好多時間0係個開頭, 我就寫下, 玩下, 做到 5:30, 雖然未做好, 但做起左一半, 已經好開心嫁啦... 我真係一個好需要推動力0既人...

每一個學期0既開始, 我都係唔多願意0既, 上個 term 我起碼用左 2 個月先適應返0的生活... 今個學期好彩只係用左 2 個星期 je...

而家0係 toronto, 雖然並唔係我想像中咁興奮開心, 但我幾 enjoy 出到0黎0既生活... 0係 GO bus 我又諗左一大堆野, 先係諗起上個星期0既呢個時間, 我地去左滑雪, 係開心0既, 係難忘0既... 我亦有0的掛住 meiyee 啦, 0個日佢放左學無啦啦話開個 web cam 俾我睇下佢隻貓, 我地就 netmeeting 左一陣啦, 原來當對一個朋友坦白之後, 關係係可以好好多0既... 我亦記得滑雪前一晚, suppose 我地兩個要訓覺, 卒之就0係張床度傾計傾到好晏先訓到... 我更記得之前因為 meiyee 係咁喊, 真係覺得自己有0的傻, 總知而家咁樣係好好0既... 當然, 我都好記得滑雪0個日0既事... 我仍然係仲好想去滑 lor, 哈哈... 好開心0既係 joseph, 亞蕭, 亞興佢地係唔會剩下我同 meiyee 0既, 突然我係發現我係需要呢一種朋友0既... 最後, 我係諗到真係好多謝爸爸媽媽有俾我過0黎加拿大讀書, 令我成個人生真係唔同, 經歷多左好多... 忽然回望一下, 原來呢 3 年幾裡面, 我真係做左好多好多野, 好多並唔係0係香港可以做到0既... 多謝, 爸爸媽媽...