岩岩聽到王菲0既 "人間" , 令我記起 26/12 0個日, 我地好多人去 karaoke, 我同 eska 一齊唱呢首歌... 特別記得係因為呢首歌唱左兩間房出0黎0既... 同埋, 我同 eska 都唔知點解唱得好齊, 兩把聲好夾...

之前, 無時間0既關係, 無細講點樣過呢個 boxing day... 的而且確0黎左加拿大3 年幾, 過第 4 個 christmas, 今個 christmas 係最開心0既, 再唔係求其咁過0既... 因為 25/12 我地已經玩到好夜, 我訓0既時候已經係早上 6 時, 之後只係訓左 4 個小時度起左身, 去左買禮物俾 eska 同 yan... 無諗過呢日都係 holiday, 卒之係咩都唔開, 應該話我要買0既都無開, 想買0既又買晒... 不過, 好彩後來都俾我買返... 到差不多 1pm, 我地 plan 左出 toronto 行街, 講真, 我就無咩諗住要買野, 又唔係真係有野要買, 我又唔鍾意同咁多人迫... 只係諗住同師傅去睇下, 帶佢睇下 Canada 最多人0既時候... 出 toronto 之前, 我地去左 美味棧 飲茶, 呢一日, 我地已經夠多人嫁啦, 9 個人 ( 我, yan, eska, becky, meiyee, joseph, jason, 亞蕭 and 師傅 ), 0係 美咪棧 又係好多人0既, 都未曾見過咁多人, 哈哈... 0個種感覺好開心好熱鬧 !! 唔記得幾點開始出發 lu, 去到又唔知幾點, 我地行來行去, 又唔係真係有野買, 好搞笑, 等下呢個又等下0個個咁... 到 6:30pm, 我地決定左去 karaoke, 我知道並唔係每個人都想去, 但有時要一班人諗去邊, 有時係唔可能接受每個人0既決定... 呢晚, 我地唱左 7 個小時, 真係唔驚唔覺嫁, 0係我眼裡面每個人都玩得好開心0既... 令我記憶最深刻0既係師傅唱劉德華0既 "按摩女郎", 真係似到十足, 笑死我地每一個... 然後仲有男仕門0既 I love you boyz, 大家都好搞笑... 亞蕭同 jason 0既 "男朋友", joseph 0既 "如果可以代你好" ... 真係好開心嫁... 我又發現原來我0的朋友唱歌係咁好聽0既, 係真係好聽嫁... 佢地每個人都有佢地唱0既唔同音調, 我唔識形容, 總知就好 enjoy 嫁啦... 我係可以唱唱下, 坐左0係度, 只係聽都已經夠... 後來, 又因為我地房0既電視有0的問題要轉房... 咁岩, 轉房0既時候, joseph, 亞蕭同師傅去左 washroom, 我地拎左所有野去左隔離房, 咁佢地係 suppose 經過新0個個房先0既, 佢地的確係經過新0個間房, 望左入0黎一眼, 但無事繼續向前行, 我同 yan 即刻笑到摭住個口, 佢地行返轉頭先再發現我地, 笑到我地死... 就係我所講, 我地唱 "人間" 0既時候發生0既... 玩到 3am, 我地終於要離開啦, 0係離開0既時候, yan 竟然見到 peter, 咁一早叫左佢返到 toronto 搵我地嫁 ma, 佢又唔記得帶我地0既電話 number, 好彩0係 karaoke room 見到, 如果唔係, 成個 christmas 都未必會見... 最搞笑係 yan 見到 peter 0個時, 我同 eska 0係 washroom, 佢衝入 washroom 大聲咁同我地講, 我同 eska 第一個反應都係衝左出去0既, 哈哈... 最後, 我地先送 yan 佢地返 downtown, 然後再送 meiyee 返 St. Catharine, 我地足足用左 3 個半小時先返到 Hamilton, 到 6:30am 先返到屋企... 呢一晚, 雖然係好累, 但係係開心, 係好開心0既 !! 0係架車度, 我唔捨得訓覺, 一0黎係唔想得 joseph 一個開車咁慘, 另外, 我真係唔捨得訓, 訓左就係第二日, 第二日 ( i mean some days in the future) , 即使係同一班人亦未必會可以有返咁開心, 真係唔希望0個一晚咁快完...

之前, 真係無咩心情去寫返發生左0既事, 到今日再諗返起, 依然係開心0既...