而家係 2005 年 1 月 1 日早上 5 時 09 分...
我應該係要去訓覺0既...

2004 年0既 12 月 31 日並唔係一個好0既結尾, 而今日亦唔係一個好0既開頭... 我有0的擔心, 有0的擔心0黎緊0既呢一年過得會好辛苦, 好唔開心... 我知道, 呢個 christmas 比我想像中, 我已經賺左好多, 我的而且確係好開心過0既, 最後, 呢個假期0既結尾, 我都係0係眼淚中渡過...

2004 年至 05 年 0既倒數, 我同我0既朋友0係 Niagara Fall 過, 要特別多謝兩個朋友, jason 同 joseph, 成個假期, 因為有佢地兩個車我地周圍去, 先去到咁多地方, 謝謝... 有次 joseph 話我咁擔心關心佢都係因為佢負責開車, 我口快快咁答係嫁... 其實, 我想講好耐, 並唔係咁嫁... 有冇車去邊度都唔係咁重要, 係睇下同咩人一齊 je, 唔去 niagara, 唔出 toronto 都可以好開心0既... 我地0係 niagara 食左餐好好0既, 之後就去左睇煙花倒數... 之後, 再去左新0既 casino 遊覽左一陣... 差不多 2am 就起程返屋企啦...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢一刻0既我, 唔敢去諗任何野, 頭先0係架車度已經諗得太多啦... 又因為整親隻腳, 令我諗得更加多...
30/12, 我已經不停喊不停喊, 希望可以將所有0既唔開心都可以喊左出0黎, 希望 31/12 係可以用一個真0既笑容咁過, 最後, 我都係唔可以, 每一個笑容都只係我努力咁擠出0黎, 唔係笑得卡卡聲就等於開心, 唔係我睇唔到就等於無發生... 個心真係一下一下咁割落0黎嫁... 我知道我唔可以怪任何一個人, 亦唔可以怨任何一個人, 我只係覺得自己好蠢, 好失敗, 每一次都係咁樣... 對唔住, eska, yan, 可能你地又會覺得我傻, 又會唔知道應該點安慰我, 我亦唔可以陪住你地開開心心咁笑... 對住一個應該開心0既日子, 對住應該想見到0既人, 我反而係笑唔出... 真係對唔住...

除左唔想諗野, 亦唔多想食野, 已經兩日啦, 係今晚食得多少少... 唔係唔餓, 只係食唔落, 亦唔想食... 唔想放野入個口, 亦唔想開聲多講一句說話...

開心0既日子太短, 唔開心0既日子又太長啦...
應該係開心0既日子過得太快, 唔開心0既日子太難捱啦...

2005/1/1 5:39am