今日一落車就覺得好肚餓，所以就諗住去大家樂買早餐食~，點知去到門口撞到阿寶，佢就拉左我去食早餐喇~，今日姨丈係附近做野~，所以早餐同午餐都同我地一齊食~，今日係無時間發呆~，做過無停手~，夜晚媽媽約左我係尖沙咀食~，約左係地鐵站等，梗係諗住搭地鐵去啦~，點知candy話同我一齊搭巴士去~，佢叫我睇住個screen~，有個站叫”九龍公園”，咪叫媽媽係果度等囉~，點知都無既~，差唔多到總站先知~，佢自己就係太子落左~，早知就係金巴倫道落左就算~，又佢又講到咁肯定咁wo~，下次都係靠自己好d~，之後打比媽媽~，佢話我行返過去好遠~，叫我行去搭地鐵去旺角等~，我行去地鐵站都都行左十幾分鐘喇>~<~~

終於係旺角地鐵站見到我媽媽喇~，之後我地去左食韓國燒烤~，不過超惊水囉~，每位百幾~，加火Ŋ又要加錢~，加埋汽水同加一，差唔多三百蚊~，夠去酒店食”暴肥”喇~，d野食又無夠多款~，唉........，算啦~，我同媽媽都食唔多既~，我見隔籬果䒷果兩公婆係咁刷~，勁~，不過之後黃志成打黎同我講我食緊果間好似有人食物中毒~，不過都算啦~，都食得七七八八喇~，不過我隔籬果䒷果女人聽到我講之後即刻夾住舊野食呆左=.=~~，haha~~，食完之後媽媽就送我走喇~，返到去睇左陣tv+newspaper就訓喇~~