考 DSE 通識一定要溫議題 — 小編並唔係想你哋tip題，因為通識可能會出嘅topics實在好多好多，就算同學tip咗題都唔一定會tip得中。所以，小編唔建議同學孤注一 (幾) 擲，只顧tip題而唔溫其他方面嘅通識考試技巧。

有好多同學都會問：通識要點溫？就每一個議題，小編會建議同學詳細分析以下嘅元素：

• 點解會發生呢件事？
• 呢件事關邊個事？
• 有咩影響？正面定負面？
• 做呢件事/實行政策有咩困難？
• 呢件事/政策可以點做好啲？有咩人可以幫手
• 咩人會支持？咩人會反對？點解？
• 就事件嘅同一個角度，會唔會有不同持分者持相反意見/有利益衝突？

同學根據以上嘅邏輯逐步逐步諗、分析 DSE LS Past Paper 每一個topic，就會理解到個議題嘅來龍去脈。同學一開始自己分析時事議題嘅時候，覺得諗point好難、諗唔到point係好正常嘅 — 冇人一出世就識得諗point、試得考試架嘛💛 呢個時候，你可以 Google 一下「XXX議題原因」、「XXX議題影響」等等，你會搵到好多答案幫你諗point。

另外，亦都可以溫通識題型格式，應該都對考試寫文嘅組織有幫助。